Mga update sa pahintulot sa ad account

Sa pagsisimula ng Abril, ni-launch namin ang Business Access, isang bagong paraan para madaling ma-manage ang mga tao at partner na gumagawa sa iyong mga Pinterest ad account. Simula Hulyo 14, 2021, ang Business Access lang ang magiging tanging lugar para ma-manage ang mga pahintulot sa iyong ad account.

Tungkol sa Business Access

Sa Business Access, magagawa mong:

Pahusayin ang kolaborasyon sa pamamagitan ng mabilisang pagbabahagi ng pahintulot sa ad account

Dagdagan ang husay sa pamamagitan ng pagma-manage ng mga pahintulot sa user sa maraming ad account

Makakuha ng access sa mga feature ng seguridad na nagpapahintulot sa iyong madaling makita at ma-adjust kung sino ang makaka-access sa iyong mga ad account

Takdang panahon ng paglipat

Kung gumagamit ka sa ngayon ng mga pahintulot sa maraming user para magbahagi ng access sa iyong ad account at hindi nagsimulang gumamit ng Business Access bago sumapit ang Hulyo 14, ililipat ang iyong mga pahintulot sa Business Access para sa iyo.

Mula Hulyo 14 hanggang Hulyo 26: Awtomatikong ililipat ang mga dati nang pahintulot sa maraming user sa Business Access at aalisin sa navigation bar ang dating page ng mga setting ng ad account

Agosto 11: Tuluyang ititigil ang paggamit sa mga pahintulot sa maraming user na hindi nailipat sa Business Access

Paano maghahanda

Para mapaghandaan ang pagbabagong ito, puwedeng ikaw mismo ang mag-set up ng Business Access o hayaan mo kaming ilipat ang mga dati mong pahintulot sa ad account.

Opsyon 1:

Ganap na kontrolin ang iyong set-up ng Business Access sa pamamagitan ng pagdagdag sa iyong mga empleyado at mga partner at pagtatalaga ng mga ad account. Magdagdag ng kahit isang empleyado o partner sa Business Access bago ang Hulyo 14, 2021.

Alamin kung paano Magbabahagi at magma-manage ng access sa iyong mga ad account sa Business Access.

Opsyon 2:

Awtomatiko naming ililipat sa Business Access ang mga dati nang pahintulot sa ad account para sa iyo sa pagitan ng Hulyo 14 at Hulyo 26 kung hindi mo pa naidagdag ang mga empleyado o partner sa Business Access bago sumapit iyon. Ang mga dati nang user na binigyan mo ng mga pahintulot ay idaragdag sa Business Access bilang mga empleyado gamit ang parehong mga pahintulot sa ad account.

Kung mano-mano kang magdadagdag ng sinumang empleyado at mga partner sa Business Access, hindi namin ililipat ang anumang mga dati nang pahintulot, kaya may ganap na kontrol ka sa iyong set-up. Kung mas gugustuhin mong gawin ito nang mano-mano, tandaang idagdag ang mga user bilang mga empleyado at bigyan muli ng mga pahintulot sa pamamagitan ng Business Access para maiwasang mawala ang mga dati nang pahintulot.

Kung ayaw mong ilipat namin ang alinman sa iyong mga dati nang pahintulot sa ad account at hindi muna magse-set up ng Business Access, pumunta sa iyong page ng mga setting ng ad account, i-click ang checkbox sa tabi ng pangalan ng user, at alisin ito sa iyong mga setting.

Tandaan: Kung ikaw ang tatanggap ng mga pahintulot sa maraming user ngayon, ang may-ari ng ad account ang magiging responsable sa mano-manong pagdagdag sa iyo sa kanyang Business Access o kaya awtomatikong ililipat ang iyong mga pahintulot, gaya ng idinetalye sa itaas.

Ano ang susunod?

Alamin kung paano Magbabahagi at mamamahala ng access sa iyong mga ad account, pagkatapos ay bisitahin ang Business Access para simulang pamahalaan ang iyong mga empleyado, partner at mga pahintulot sa ad account.

collection_fields