Tungkol sa Pinterest

Ano ba ang Pinterest?

Hinihikayat ka ng Pinterest na tumuklas at gawin ang gusto mo. Pinupukaw nito ang iyong pagiging malikhain, hinihikayat kang sumubok ng mga bagong bagay at pinapayagan kang maging natural sa sarili mo.

Ang iyong home feed ay ang sentro ng Pinterest, kung saan makakahanap ka ng mga ideya o mga Pin, na tutulong sa iyong makita ang mundo ng pagiging malikhain at posibilidad ng lahat ng nasa paligid mo.

Sa napakaraming Pin sa Pinterest, palagi kang makakahanap ng mga Pin para pumukaw ng inspirasyon. Kapag nakatuklas ka ng mga Pin na gusto mo, i-save ang mga ito sa mga board para panatilihing nakaayos ang iyong mga ideya at madaling mahanap ang mga ito. 

Home feed

Ang iyong home feed ay ang lugar kung saan mo makikita ang mga Pin, tao at mga brand na sa tingin namin ay magugustuhan mo, batay sa kamakailan mong aktibidad. Magpapakita rin kami sa iyo ng mga Pin mula sa mga tao, paksa at mga board na pipiliin mong i-follow. 

Subukang i-type ang "Camping" sa search bar para makakita ng mga ideya para sa mga one-pot camping na mga pagkain, mga checklist para sa pag-iimpake at mga tip para sa camping kasama ng mga aso.

Mga Pin

Ang mga Pin ay mga ideya na nahahanap ng mga tao sa Pinterest at sine-save mula sa web. Ang bawat Pin ay nauugnay pabalik sa website kung saan ito na-save. Kung magki-click ka sa Pin, malalaman mo kung paano ito gawin o kung saan ito bibilhin.

Habang natutuklasan mo ang mga Pin na gusto mo, i-click ang pulang button na I-save para i-save ang mga ito sa iyong mga board. Nahanap ang perpektong recipe ng s'mores? I-click ang I-save!

Kung gusto mong subukan ang Pin, subukan mo ito. Magdagdag ng litrato ng iyong s'mores sa campfire o ng isang note para ipakita sa mga tao kung ano ang kinalabasan nito at magdagdag ng mga nakakatulong na tip para sa sinumang ibang susubukan ito.

Minsan makakahanap ka ng Pin na alam mong magugustuhan ng kaibigan mo. Direktang ipadala ang mga Pin sa iba sa isang mensahe para ipasa ang inspirasyon.

Mga Board

Nasa mga board mo ang mga Pin na sine-save mo. Pangalanan ang iyong mga board at ayusin ang mga ito sa iyong profile sa anumang paraan na gusto mo. Imbitahan ang iba pang tao sa Pinterest na makipag-collaborate sa iyong mga board para makahanap ng mas maraming ideya.

Para ayusin ang iyong mga Pin sa mga board, gumawa ng mga seksyon ng board. Magdagdag ng seksyon para sa mga tip sa mga Tent o Camping sa iyong Camping board para ilagay sa parehong lugar ang iyong magkakatulad na ideya. Walang mga patakaran - ayusin ang iyong mga Pin sa anumang paraan na maganda para sa iyo!

Kung mas gusto mong panatilihing pribado ang iyong mga Pin o kung ang iyong camping trip ay isa talagang sikretong sorpresa, maaari mong gawing sikreto ang iyong board. Ikaw lang at ang sinumang iimbitahan mo ang makakakita ng iyong mga sikretong board.

Profile

Makita sa iyong profile ang lahat ng Pin na sine-save mo, mga board na ginagawa mo at ang mga Pin an susubukan mo, kasama ang nagpa-follow sa iyo at ang lahat ng pina-follow mo, kasama ang mga board at mga paksa. Makikita ng kahit sino ang iyong profile, pero mananatiling nakatago ang iyong mga sikretong board.  

Ang iyong profile ay hindi lang koleksyon ng mga ideyang gusto mo - ito ay isang pagpapakita sa kung sino ka. Nandito ang lahat ng iyong ideya at inspirasyon para sa mga nakaraan, kasalukuyan at mga darating na proyekto. Dadami ito at magkakaroon ng progreso katulad mo sa bawat Pin na ise-save mo.

Iba Pang Article
Kailangan pa rin ng tulong?
Kontakin kami